Awestruck

Ang saya lang ng experience ko tonight. Humanga at namangha talaga ako sa talk ni CorpCloset kanina sa Loveyourself hub. Though I am not in the corporate scene marami pa rin akong nakuhang insights on being inside the closet in the workplace. Gusto ko sana mag-takedown notes kaso baka magmukhang eng-eng na. baka may quiz sa huli e. haha. Anyway, sarap lang ng discussion kanina at ang crowd active sa pag-participate. Syempre, since nag-iisa lang ako pumunta, may certain hiya pa ko. Tsaka first time ko rin kasi sa lugar kaya reserved lang kunwari.  Ang pinakahinangaan ko kay CC ay kung paano niya dalhin yung sarili niya. Parang may certain aura ng authority. Siyempre, maging CEO ka ba naman di mo pa ba makukuha yung ganun. Tsaka kung ide-describe ko siya para siyang prof ko dati na doctor, tingnan mo pa lang alam mo na'ng mabango, malinis, at alaga ang katawan. He's someone I would like to be when I reach his age. May nakita na kong bagong role model. Noong natapos na yung talk, gusto ko makipagkamay man lang bago ko umalis. Yun lang naman talaga purpose ko ng pagpunta eh. joke. Feeling ko tuloy fanboy na fanboy ang dating ko. Yung mga blogs  kasi nila ang mga una kong binabasa noong nagsisimula palang ako mag-blog din. Nanginginig tuhod ko at kinakabahan noong nagpakilala ako kela Mcvie at kay CC. hehe. Sayang lang at di ko natodo ang pagka-fanboy dahil nakalimutan kong magpapicture kasama ng mga Fabcasters. pang-scrapbook sana. tapos lalagyan ko ng ribbons, burloloy like petals. ganyan. hehe. pramis. chinarge ko pa talaga yung camera ko bago ako umalis ng bahay. kaya sayang din. I hope may iba pang chance na makasama ko sila. 

Ang saya at sarap talaga ng feeling na makilala yung mga tao sa likod ng mga twitter at blog na sinusundan mo. Ang sarap lang malagyan ng mukha yung bawat idea, kwento, at buhay na noon ay nababasa mo lang. Katulad noong nangyari noong Biyernes naman nang makilala ko sina Babit, Aaron, Nikki, Nate, at Garbeej. Salamat nga pala sa pag-welcome kahit sabit lang ako. Sayang lang at di ko daw naabutan sina Leo, Nimmy, Jap, BS, at Ryan. Sana may iba pang pagkakataon sa susunod para makasama ko ulit sila.

Sa mga pagkikitang ito, napapatunayan kong ilan ang twitter at blog (in general) sa mga magagandang venues to meet interesting people - people you won't usually get to know especially if your're living inside the closet.