Gin Pom at kung ano-ano pang ka-highschool-an

,
Ewan ko. Sa aming magkakaibigan parang ako lang ata ang mas nag-enjoy sa highschool kesa sa college. Siguro dahil marami akong nagawa noong highschool, mas naging totoo ako noong highschool, mas active at mas sikat ako noong highschool, at higit sa lahat, sa highschool ko nakilala ang ilan sa pinakamalalapit at pinakapinapahalagahan kong kaibigan. Kaya eto ang ilan sa mga namiss ko noong highschool.


GINPOM
Hindi ako sigurado kung dahil uso yun noon or kung dahil yun lang ang alam namin inumin, pero sa  dalas naming nag-iinuman sa bahay ng tropa namin, di mawawala ang gin + any powedered drink.


MINDORO SLING
pic from tanduay
Maliban sa Gin+fruit drink ay nahumalingan din namin ang Mindoro sling. Di na namin kelangan pang dumayo ng mindoro para matikman ito. Dito lang malapit sa amin ay mayroon kaming naging tambayan kung saan naging paborito namin ito, kapares ng kropek o sizzling hotdogs. 


TAMBAY, YOSI, KAPE
Bago pa man mauso ang ban ng yosihan sa malls, naalala kong naging tambayan namin ang Shangri-la kung saan kami (well, yung mga tropa ko lang) nagyo-yosi. Madalas dun sa 5th floor, dun sa may dome na ceiling. Kung saan ito rin ang naging awrahan ng mga sholbomb noon, hanggang ngayon din ata.

Nagsimula na rin ang boom ng coffee shops noon. Kaya madalas, right after school, automatic yun na pag walang gagawin ay tambay kami sa Seattle's Best Coffee. As usual yosi and kwentuhan. Sa dalas namin doon, lalo na yung isa naming katropa (halos araw-araw andoon siya), ay naging kaibigan na rin namin ang mga barista. Minsan umaabot na rin kami hanggang closing.


SLEEPOVERS
Madalas ay sa bahay ng isa naming tropa lang kami nag-oovernight. Sobrang kilala na nga kami ng family niya e. Parang pag andun kami, nagtataka sila kung bakit wala kahit isa man sa amin. In short, at home na at home at kilala na kami doon. Kaya naman dun kami lagi ay una, malaki ang place. tapos accessible. tapos welcome kami lahat. tapos maraming pedeng gawin - swimming, videoke, inuman, takbuhan, kwentuhan, yosihan, at dramahan din. Marami rin kaming moments sa bawat sleepover namin doon.


KARAOKE
At ang pinaka gusto kong activity namin noon ay kantahan! Bago pa mauso ang Centerstage, Red box at Music 21, meron na noong Encore! Encore! videoke sa Megamall. At dun kami madalas tumambay at mag-merry making. As in super dalas yun. Kung walang gimik sa tugs-tugs (Blue Onion at Ipanema noon) dito kami nagpapakasaya. Biritan galore kami. At sa panghuli, di mawawala ang isang Spice Girls song na kadalasan ay Stop. hehe


Marami pa kong dahilan kung bakit mas nagustuhan ko ang highschool life kesa sa college. Pero eto na ang pinaka-pinaka. hehe

#memapost

2 comments:

  1. Highschool syudad version yan! :) Haha. Laking probinsiya kasi ako ser. Bigla tuloy ako ngayon napaisip ng highschool days ko. Haha. Panahon ng pagbibinata at tagihawat :)

    ReplyDelete
    Replies
    1. laking syudad kasi ko ser eh hehe yang tagyawat naman ang ayaw ko nung highschool. stress ka na nga sa school, stress ka pa sa pimples, lalong nakakastress haha

      Delete