Random: Saloobin sa Jeep ulit

Kanina pauwi habang nagmumuni-muni sa jeep, napatingin ako sa isang pasahero.

Isang tatay kasama ang kanyang dalawang lalaking anak. Siguro nasa mga 30's lang si daddy at mga 6 at 4 years old lang ang mga chikiting.

Si daddy maganda katawan. Alam mong manual labor ang ginagawa. May itsura. Kayumanggi at maganda ang smile. At pinaka importante, mukhang mabango. hehe

Yung dalawang bata nakakandong kay daddy.

Natuwa naman ako dun sa mga bata. Close sila kay daddy. At si daddy yakap ng mahigpit yung dalawang chikiting at mukhang may binubulong dun sa older kid. Napapa-smile lang yung kid.

Napansin kong napapa-smile din ako.

Tapos naisip ko, sana ganyan din kami noong papa. Sana naging close din kami noong bata ako.

So na-realize ko, naiinggit ako sa mga bata dahil may mabait silang daddy, na-close sa kanila, at napaka-cool. Di naman sila mukhang mayaman. Tama lang. Pero ang saya nila, ang saya nilang tignan.

Nainggit lang ako. But more than envy, I was happy for them.

Napaisip tuloy ako ulit, may chance kayang magkaroon ako ng ganung moment. Karga-karga ko ang mga kids ko at magiging cool dad. Gusto ko noon.

Naalala ko tuloy na dati sinabi ko sa sarili ko, I want to be the best dad that my father never became with me.

#daddyissues